तिम्रो याद

यसै गरि आइरहोस् तिम्रो याद पनि
जसरी आउँछ बेला बेला भुईचालो
र सम्झाएर जान्छ मृत्युसँग मेरो निकटता
जसरी आउँछन् खडेरी, आँधी, असिना वा फौजी किरा
अनि खाएर जान्छन् किशानको महिनौँको मेहनत
बिना सहमति, बिना कृतज्ञता
जसरी आउँछ सुन्दर सपनासँगै
डरलाग्दो एैठन रतर्साईरहन्छन बिपनामा पनि

म भुल्न चाहन्छु तिमीलाई
र जान चाहन्छु बहुत दुर तिमीसँग
तर, गए पनि संसारको कुनै कुनामा
आईरहोस् तिम्रो याद
सम्झाईरहोस
तिमीले गरेका बेइमानी, छल र दिएका यातनाहरु
जसलाई सम्झेर
कसैलाई पनि विश्वास नगर्न सकुँ म