आमाको नाममा

हरेक पल्ट
मेरो नामसँगै
नसोध्नु मेरो बाको नाम
म मान्दिन हरेक ठाउँमा
आफ्नो नामसँगै बाको नाम  
भन्नु पर्ने कानुन  

गुरूबा ! हामी त सिकारी युगमै छौं

(यो लेख गत वर्ष आश्विन २९ गते कान्तिपुर दैनिकमा प्रकाशित भएको थियो | मेरा लेखहरु कसैले चाहँदा पढ्न सक्नुहोस् भनेर यहाँ पुनः राखेकी छु )

केहि  समय अघि भएको एनसेल साहित्य महोत्सवमा कविहरूको पुस्तान्तरणको विषयमा कार्यक्रम भइरहेको थियो । कार्यक्रमको सञ्चालन कवि सरस्वती प्रतीक्षाले गरेकी भए पनि वक्ताहरू तीनजना पुरुष (मनु मन्जिल, श्रवण मुकारुङ र मनोज बोगटी) हरू थिए । कार्यक्रममा कुन पुस्ताका कुनकुन कविले राम्रो लेखिरहेका छन् भनेर उनीहरूले राम्रै बहस र ब्याख्या गरे । उनीहरूको बहस राम्रै थियो । तर दुर्भाग्य उनीहरूले लिएका दार्जिलिङ र नेपालका त्यति धैरै कविहरूको नाममा कुनै पनि महिला कविको नाम उल्लेख गरेनन् ।