विचारको मात्रै होईन, प्रवृतिको पनि कुरा हो

देशभर एमालेको महाधिवेशले तातिरहदा किर्तिपुरको चौरमा राजनीतिमा नलागेका मेरा साथीहरु समेत एमालेको महाधिवेशनको विषयमा खुब चर्चा गरिरहन्छन् । नवौँ महाधिवेशन पछिको परिणाम, त्यो परिणामले देखाउने समाजको प्रवृति र त्यसले आम जनताको लागि निर्माण गर्ने अबसर र चुनौतिको विषयमा गफहरु हुन्छन् । माक्र्सवादका ठेलीहरु पढ्ने र एमालेसँग बाह्रहातको साईनो पनि नभएका मेरा साथीहरु एमालेले अहिलेको नामै फेरेर नेकपा(माक्र्सवादी वा समाजवादी) नाम राख्नु पर्ने, लेनिनवादी संगठनात्म सिद्धान्तलाई हटाउनु पर्ने देखि लिएर कुन गुटले किन जित्नु पर्छ, भन्ने सम्मका बहसमा उत्रिन्छन् ।