ट्रेकिंग, गाउँघर,
गुरुङ समाज र संस्कृतिमा चासो हुनेलाई मात्र सम्झनामा रहने गोरखाको बारपाक गाउँ
बैसाख १२ गतेको भूकम्प पछि एकाएक चर्चामा आयो | बैसाख १२ गतेको भूकम्प र बारपाक
गाउँ सँगै आउने शब्द बने | भूकम्पमा केन्द्रित भएर एम एको थेसिस लेख्ने योजना बने पछि
बारपाक गाउँ मेरो पहिलो रोजाई भयो | पढेको र सुनेको भरमा बारपाक गुरुङ संस्कृति र
बस्तीको नमुना गाउँ र बैसाख १२ गतेको भूकम्पको केन्द्र बिन्दु भन्ने बाहेक धेरै
कुरामा ज्ञान थिएन | काठमाडौंबाट गोरखाको लागि हिंड्नु भन्दा अगाडी मैले गुम्दा
गाबिसका सचिव मेरा साथी हरि भुजेललाई भेट्न गएकी थिएँ | बारपाक जाने भन्ने
बित्तिकै हरिको पहिलो प्रतिक्रिया थियो, 'त्यहाँबाट कसरी डाटा ल्याने भन्नेमा समस्या
हुन सक्छ | बैसाख १२ गतेको भूकम्प पछि अनुसन्धानको नाममा धेरै मानिस
बारपाक पुगेका कारण रिसर्च गर्न आउने मानिसहरूलाई बताउँदा बताउँदै त्यहाँका धेरै
मानिसलाई चिड चिडाहट भएको पनि हुन् सक्छ |' उनको सल्लाह थियो, एनजीओ र अनुसन्धान
दाता नपुगेका गोरखाका अन्य गाविस जाने |
Subscribe to:
Posts (Atom)